Thursday, November 23, 2017

طريقة عمل سيسليان سفينتشوني – خبز إيطالي

المقادير

3 أكواب دقيق وربع للنثر

م ص و ربع ملح

نص م ص سكر

م ص خميرة فورية

225 مل مويه دافية

2 م ك زيت زيتون

——————————-

الحشوة

1 طماطم كبيرة مقطعة مربعات مشيوله منه الحبوب و عصارتها

بصل أبيض مقطع مربعات ممكن البصل العادي الاحمر << البصل مع الخبز ماراح يبان طعمه ابدددا

زيت زيتون

فص ثوم مهروس

أنا استخدمت جبنة القشقوان مع انها مو من المطبخ الإيطالي بس الجبنة الموجودة في هذا الخبز غير متوفرة عندنا

جبنة القشقوان نقطعها مربعات صغار

صفار بيض

رشه على كل قطعة خبز من الأوريغانو و الريحان

—————————————-

في المويه نحط الخميرة و السكر ونخليها 10 دقايق لين تطلع فقاعات

أنا هذي المرا عجنت بيدي وكانت النتيجة افضل من العجانة

ففي الصحن اللي بتعجنون فيه نحط الدقيق و و الملح و المويه مع الخميرة  السكر والزيت زيتون

واول شي نقلب في ملعقة خشبية حتى تتجمع المكونات مع بعض وبعدين نبدا نعجن راح تحصلونها قاسية شوي

ضيفوا 2 م ك كبيرة مويه ونعجن نعجن لحد ماتتكون عندنا عجينة لينة انثروا شوي دقيق لو قعدت تلززق بالمرة

في هذي العجينة راح تمسك باليد العجينة شوي يعني لاهي ناشفة ولا هي تلزق واتركوها تخمر من غير مانصب عليها زيت في الصحن لمدة ساعة

بعد ساعة نكون محضرين الحشوة

و نشغل الفرن على درجة حرارة 200 او 350 اذا كان فرنكم متوفرة هذي الدرجة

وندهن الصينية وندخلها الفرن لأن لازم في الخبز الصينية تكون حارة

مع هذي العجينة راح تطلعلنا 4 قطع من الخبز

طريقة الحشوة:

الثوم المفروم نخلطه مع زيت الزيتون

يصير ندهن اول طبقة في العجينة زيت زيون و ثوم

نوزع الطماطم

البصل

الجبنة

وننثر الاوريغانو و الريحان

وعلى حواف الخبز ندهن صفار بيض

بس نصيحة افردوا ال4 قطع اول وطلعوا الصينية وحطوا الحشوة و العجينة على الصينية عشان راح تطيح الحشوة وانتوا تنقلونها من مكان لمكان

وندخلها الفرن اول 10 دقايق مانفتح الفرن وبعدين ننتبه من يوم تحمر من تحت شووي مو كثير نشغل الحرارة اللي فوق 10 دقايق لين تحمر

وبالنسبة اللي عندهم الحرارة 350 الخبز ماراح ياخذ معاهم وقت كثير 10 دقايق من تحت و 5 من فوق ولازم مانتركها كثير عشان لاتنحرق وتنشف

About admin

Leave a Reply

Your email address will not be published. Required fields are marked *

*