Monday, October 23, 2017

طريقة عمل خبز البيتا بالصور

خبز البيتا هو نوع من المخبوزات التركية و المشهورة أيضا في قبرص و البلقان  وأرمينيا و الشرق الأوسط

وغالبا مايكون مع الكباب و الكفتة و المقبلات – بابا غنوج , متبل و الحمص

المقادير:

2 كوب دقيق أبيض

م ص ملح

نص م ك خميرة

160 مل موية دافية

2 م ص زيت زيتون

——————————————-

ننخل الدقيق مع الملح ونذوب الخميرة في المويه الدافية وبعدين نضيف عليه الزيت زيتون

و نخلط المويه مع الدقيق و نبدا نعجن 

اذا كان بالعجانة او باليد لازم نستمر بالعجن لمدة 10 دقايق 

اذا حسيتوا يحتاج موية زيادة او دقيق ضيفوا بس ان شاء الله المقادير موزونة و مايحتاج 

ولازم نوصل لعجينة طريقة وناااعمة جدا ونحطها في زبدية كبيرة ونغلفها بزيت زيتون و نغطيها كويس ونتركها يتضاعف حجمها لمدة ساعة في مكان دافي

بعد ساعة

نطلعها من الزبدية و نقطعها لستة قطع و نشكلها على شكل دائرة بس لازم لما نشكلها نجمع كل الأجزاء للمنتصف بهذا الشكل

لحد ماتجتمع الى نقطة وحدة ونكورها

ونبدا نرش السطح دقيق و نضغط عليها بالأصابع ونفردها فرد خفيف

و بالفرادة عشان تصير دائرة بالتمام نحاول ندور العجينة ربع دورة كل مرا نفرد فيها كذا بتضبط معانا شكل العجينة على دائرة

ملاحظة:

القرص بعد الفرد لازم يكون عريض مو سخيف (نحيف)  السبب لأن راح صير ناشف و قاسي من فوق بعد الفرن لو ماعرضناه

و نحطها في صينية  ونتركها تخمر مرا ثانية 20 دقيقة 

ونشغل الفرن على طول على درجة حرارة  230 عشان لازم يكون الفرن حار وصينية الخبز لازم جوا تكون حارة وقت مانخبز البيتا

بعد 20 دقيقة نطلع صينية الخبز من الفرن و نرش دقيق عليها مو زيت و لا اي دهن

ونحط العجينة  وندخلها الفرن لمدة ربع ساعة لحد ماتنتفخ ونحمرها من فوق

About admin

Leave a Reply

Your email address will not be published. Required fields are marked *

*