Friday, November 24, 2017

طريقةعمل اللحم محمر بالصور

 

 

 لتحضير اللحم محمر ومزين بطريقة معتبرة

 

نحتاج 

اللحم ديال البقري

سمن 

بزار

سكينجبير

خرقوم بلدي

زعفران شعرة

ملح

قرفة 

زيت بلدية ورومية 

تومة محكوكة تكون بزايد

2بصلات كبار مشلظين رقيق 

كيترقد اللحم في العطرية كلها الا البصل وخليه 24 ساعة باش يجي بنييييييييييين 

 

من بعد زيدي عليه واحد كاس ونص ديال الماء ومنزيدش

  

خليه يغلي بلا متشحريه باش اللحم يشرب العطرية في الطياب وميجيش ناشف 

من بعد حيدي اللحم ونزلي تحتو البصلة وكل طرف ديال اللحم ديري تحتو البصلة تتساليها

ونقسي عليه العافية على جهدها وخليه يطيب على خاطرو 

من بعد مللي يطيب زيدي عليه 2معالق كبار عسل وخليه يحمر مزيان من وجهو ويوكح من مرقتو شوية

اصابع اللوز وكوكاو

غادي تحتاجي رابعة مخلطة من اللوز وكاوكاو سلقيهم ونقيهم وقليهم تم طحنيهم في مولينكس

  

من بعد خدي قليل من القرفة ومعلقة كبيرة سكر كلاصي ومعلقة كبيرة ماء زهر وبيضة نطربها 

خلطي كل المقادير وبداي تضيفي البيضة بمهل حتى تولي عجين 

 

متكمليش لبيضة كاملة

 

  

من بعد ديرهم اصابع ودوزيهم في مايزينة تم قليهم 

 

 مللي يتقلاو مباشرة كبي عليهم شوية من مرق ديال اللحم 

تم سلقي المشماش وعسليه بالقليل من القرفة عواد والسكر وماء الزهر

بالنسبة للتقديم ديري المرقة هي الاولى في الطبسيل عاد ديري فوقها اللحم ونكمل التزيين كيف ماباين لكم في صوره

 

 

  

وبالصحه والهناء

 

About admin

Leave a Reply

Your email address will not be published. Required fields are marked *

*