Sunday, October 22, 2017

طريقة عمل لحم بأنواع الصوص والخضار بالصور

لحــم بأنــوآع الصــوص والخضــآر

هذآ الطبق من الأطبآق المميزه ونآلت إدمآن الكل ..

ودآيماً أعمله مع الدجآج بس هذي المره الأولى طبخته مع اللحم .. مقآديره جدا بسيطه ومتوفره بكل بيت .. لحم أو دجآج ..

بصل مفروم ٤ فصوص ثوم مفروم بطاطس مقطع مكعبآت ذره وفآصوليآ وجزر

وبروكلي صوص باربي كيو سويت صويآ صوص صوص المحار وأي صوص أسود أو بني غامج عندج حطيه من ضمن المقآدير ،،

( لآ تخآفين مع التمكيس هذآ بيطلع طعمه خرآفي ) حليب جوز الهند أمآ عن الطريقه ..

طريقتي في اعداد الطبق مع الدجاج تختلف شويه عن اللحم لكن نفس المقآدير ..

اللحم فورته لحد مآ ينضج في مآي فيه هيل وقرفه وخليت زفآرت اللحم

كلهآ تطلع ف صآر اللحم ريحته نظيفه ومعقمه ..

والخضآر سلقتهآ في مآء مملح لحد مآ نضجت ..

وفي جدر متوسط الحجم نسخن الزيت وبعده انضيف البصل بس يحمر انضيف الثوم ..

وبعده انضيف اللحـــم ..

نضيف له الملح وجميع أنوآع الصوص ي اللي معك حطي من كل شي شويه تقريبا ملعقتين ..

خليه يتسبكـ عدل .. إذآ حآبه تضيفي مآي ضيفي نص كوب فقط ..

وبعده ضيفي الخضآر .. وفي الأخير ضيفي حليب جوز الهند يعتمد ع حسب الكميه

أنآ هنا ضفت نص العلبه لأن الكميه قليله ل٣ أشخآص .. أمآ إذآ أكثر ضيفي العلبه كآمله ،، بس يفور قدميه مع رز أبيض ،، . . .

الخطوات بالصور

إذآ حآبه تعمليه بالدجآج الخطوآت أخف وأسرع بس هنآ عملته بصدر دجآج قطعته لمربعآت ..

حمست البصل والثوم .. أضفت الدجآج بس يبيض وينضج ولآ تنسين تغطينه بغطآه رآح يطلع مآي كثير من الدجآج ..

المهم بس ينضج ضيفي الصوص والخضآر بس يتسبك وتنضج الخضآر ..

ضيفي حليب جوز الهند واتركيه يفور ١٠ دقايق وبعد قدميه ،، . .

أتمنى أن الطبق نآل إعجآبكم ..

 

About admin

Leave a Reply

Your email address will not be published. Required fields are marked *

*