Monday, September 25, 2017

طريقة عمل الدجاج الترياكي اللذيذ (بالعسل) من مطبخي بالصور

طبق اليوم سهل و شهي و مستوحى من المطبخ الاسيوي،،،سويته بارجل الدجاج و ممكن نساويه بالجوانح

و ممكن بالصدور بعد اذا قطعناها . نشوف كيف نسويها: نتبل رجول الدجاج ب: ملح + فلفل + زنجبيل بودر + صلصة صويا soya sauce

بعدها نشوح الرجول بملعقتين زبدة الين يستوي نص او ثلث سوا

الدجاج الترياكي اللذيذ (بالعسل) من مطبخي

بعد نرفعها من النار و تبرد شوي نحطها بهالخلطة تتبل بيها اقل شي اربع ساعتين المكس : عسل الكمية حسب مقدار اللحم او الدجاج ، سويت 3 ملاعق + 2 ملاعق صلصة صويا + زنجبيل بودر + قليل ثوم مدقوق + قليل فلفل اسود (اختياري)

هذا و هي متبلة

بعد ما تمر فترة التتبيل ، نرصها بصينية الفرن

و ندخلها بالفرن و يكون سبق تسخينه ، نحطها بدرجة حرارة بين 180-200 درجة مئوية لمدة بين 30-40 دقيقة مع المراقبة المستمرة بهالاثناء ، نشوح شرايح البصل مع زبدة و مكونات المكس اللي تبلنا بيه الدجاج

و هني بعد طلوعها من الفرن ،، مع الرز الابيض ، و البصل بعد ما ذبل

شوف ما احلاها و نكهتا غير مع الرز الابيض ، جربوه و بيكون من الوصفات

المفضلة

وبالعافية .

 

 

About admin

Leave a Reply

Your email address will not be published. Required fields are marked *

*