Tuesday, November 21, 2017

طريقة عمل الرز البخاري ( البلو آش) الطريقه بالتفصيل ~ بالصور

طريقة عمل الرز البخاري ( البلو آش) الطريقه بالتفصيل ~ بالصور

المقادير راح تكون مرافقه للطريقة :~ بسم الله نبدأ حبتين بصل متوسط نقطعها صغار

نحطها بالقدر ونحط عليها زيت المقدار اللي يناسبك [ في طريقتهم يحطو نص كأس زيت ]

ونقلبه على نار متوسطه حتى يحمر البصل

نضيف عليه اللحم بعد غسله وتجفيفه استخدمت كتف كنا 3 اشخاص ويقلب مع البهارات [ هم يكتفو بالكمون المطحون والكراويه واليانسون والبرباريس وما يضيفونا الا بعد تسبك الطماطم ] انا حطيت كمون وفلفل اسود وشوي كركم وملعقة معجون طماطم .

ناخذ حبتين طماطم ناضجه ونطحنها .

بعدين نضيفها على اللحم ونتركها تتسبك

بعد ما يتسبك الطماطم نضيف الماء المغلي ونتركها تنضج اللحمه ثلاثة ارباع الاستواء .

في اثناء ذلك ننقع الارز بعد غسله ,,استخدمت الارز البسمتي مقدار كأس ونص [ هم ينصحون بالارز المزه افضل لكن ما كان متوفر عندي الا بسمتي ]

قبل اكتمال نضج اللحم ناخذ حبتين جزر (كل شيء حبتين )

نقطع الجزر على شكل عيدان [ هالقطاعه اثريه عندي مريحتني في التقطيع ]

ونجيب حمص مسلوق قلنا لمن يوصل اللحم الى ثلاثة ارباع استوائه نضيف الجزر والحمص ونتركه الى ان يذبل وممكن قرون فلفل حار [ يسمون هالمرق المحتوي على اللحم والجزر الزرقاك ]

ممكن في هالخطوه تضيفي سفرجل غير مقشر وورق عنب محشي لحم مفروم غير مطبوخ مع رز وممكن بيض او سجق او ثوم كامل حسب طريقتهم انا ما جربت الا الثوم

بعد ما يذبل الجزر نضيف الارز على طبقة اللحم والجزر ونقلب تقليبه وحده ما نحركه كثير الحكمة [ انه تتكون طبقه فوق من الجزر والحمص مو مختلط مع الارز عشان نطلعه بالاخير ]

وهذا شكله بعد ما تركته اقل من 10 دقائق

بعد هالخطوه يخلونه لين يشرب مويته الارز ويعملون ثقوب في الارز بطرف ملعقه ويصبوا مقدار كوب زيت زيتون او ليِّة خروف عاد انا ما حطيت ولا شيء من هذا .. بعد هالاضافات يغطى بقصدير ويحكم اغلاقه ويترك الى ان يكمل نضج الارز

الخطوات بالصور

الشكل النهائي

بالعافية

 

About admin

Leave a Reply

Your email address will not be published. Required fields are marked *

*