Saturday, November 25, 2017

طريقة عمل كبة التونة بالبطاطس وخضار البالسميك بالصور

طريقة عمل كبة التونة بالبطاطس وخضار البالسميك

نبدأ بالمقــآدير ..

حبة بطآطس مبشوره ومقطعه لدواير ومفوره بمآء مغلي مع زيت زيتون وملح لمدة عشر، يعني لحد مآ تشوفينهآ صارت لينه ومهروسه .. صفيهآ من المآي وخليهآ ع صوب .. حليب طآزج ،، زبده ،، نص حبة بصل مفرومه .. علبتين تونه .. ملعقة كبيرة ثوم مفروم .. ملعقة صغيرة من الشبت المجفف .. “أنآ مآ كآن عندي فضفت بدآله كزبره” ملعقتين صغآر من الخردل “مآ ضفته لأن خردل بريطآنيآ طعمه مب حلو، أمآ اللي ف الخليج لذيذ مع الدريسنق والأكل، فلآ تنسون تحطونه” نص ملعقة صغيره من قشر الليمون ملعقة صغيره من عصير الليمون ملح وفلفل أسود نص بيضه مخفوقه بقسمآط طحين . . الطريقه .. نضيف ملعقة صغيره لملعقتين من الزبده والحليب لبطآطآ المهروسه .. أهريسهآ لحد مآ تشوفينهآ نآعمه .. في القدر ضيفي ملعقة زيت زيتون وحمسي البصل لحد مآ يصير لين مش ذهبي .. وفي الأخير نصفي علبة التونه من المآء ونضيفلهآ البصل، الثوم، البيض، الشبت، الملح، الفلفل، قشر الليمون، عصير الليمون، والخردل. ونخلطه بالرآحه .. ونكوره .. أنآ لو كآن معي قطآعة الفلآفل رآح أرتآح، بس للأسف كورته بيدي .. نخلط كميه متسآويه من البقسمآط مع الطحين .. إذآ مآ معك بقسمآط تركي الطحين وغطي الكبه بالسميد .. نخلطه عــدل .. وبعد هآ الخطوه رتبيه في صينيه وخليه في الثلآجه يتمآسك لمدة نص سآعه .. بس يتمآسك حمريه في زيت حآر “مجرد تحميره” ..

الخطوات بالصور

الشكل النهائي

بالعافية

About admin

Leave a Reply

Your email address will not be published. Required fields are marked *

*