Monday, December 18, 2017

طريقة عمل سبآغيتي بكرآت اللحم .. بالصور

المقآدير

هذي تكفي لأربع أشخآص .. بيضه كآمله .. ٣ ملآعق طعام ريحآن طازج مفروم ،، ٣ ملآعق طآم بقدونس طآزج مفروم .. ١ ملعقة صغيره أوريغانوا جاف .. ربع ملعقة صغيره ملح وفلفل .. فصين ثوم مهروس ومفروم .. ربع كوب مآء .. ٢٢٦ جرام من اللحم المفروم .. ٣/٤ كوب من البقسماط [ في حآلة مآ عندك فتات الخيز حمصي توست في الفرن أو التوستر وبعده فتتيه وأفرميه ] .. نص كوب من جبنة [ parmigiano-reggiano ] وإذآ ما لقيتيه استخدمي البآرمزآن تشيز .. ٣٢ أوز من ال [ marinara sauce ] ويفضل إنها تكون جوده عآليه، إذآ مآ معك استخدمي عصير الطماطم .. عمليه فريش أو اشتريه جاهز .. وكيسة اسباغيتي .. . . الطريقـــه .. نخلط جميع المقآدير مآ عدا السبآغيتي وصلصة الطماطم .. ولآ تنسون الجبن أهم شي ،، والمآء كذلك فهو سر الليونه والطراوه ولذآذه .. بعد مآ خلطيه عدل كوريهن لكور صغار مثل حجم الليمونه الصغيره .. ودخلي كرات اللحم في فرن مسبق التسخين على حرارة ١٨٠ سيليزي .. لمدة عشر دقآيق وبعده طلعي الصينيه واقلبي كل الكرات ع الجهه الأخرى وخليها كمان تكمل طبخ لمدة ١٠ دقيقه .. يعني مجموع طبخه ٢٠ دقيقه فقط .. لآ تحآتون ترا رآح يكون مطبوخ وناضح .. أنتي جهزي خطوات عمل الصوص الحمرا لحد ما ينضج اللحم.. المهم هنآ ركزوآ معي ،، إذآ كآن متوفر معك صوص المارينآرآ على طول سخنيه وحطي فوقه كرات اللحم .. بس لأنه أنآ مآ لقيته ف أستخدمت صوص الطماطم المعلب .. إذآ حآبه يكون فريش .. خطوآت عمله كالتالي .. ٤ طمام كبار بالسكين من فوق علمي عليه إكس وبعده خليه ف ماي مغلي لمدة ٥ دقايق .. شيلي الطماط حطي في ماي بارد .. بس يبرد شيلي قشره .. وبعده حطي في بلآندر وطحني الطماط لحد ما يصير سائل .. وبعده في قدر سخني زيت زيتون وضيفي ثوم مفروم فصين فقط + ريحان ملعقة طعام + بقدونس ملعقة طعام فريش .. في حالة الاعشاب عندك جافه (معلبه) ملعقة صغيره كفآيه .. بس تطلع ريحة الثوم ضيفي الصوص .. خليه يفور لمدة ٧ دقايق وبعده ضيفي اللحم دقيقتين وكفايه .. أمآ إذا كان علبة الطماطم هي الصلصه نوعيتها مطبوخه فقط سخني لحد يغلى ما يحتاج ٧ دقايق .. بالنسبه للسبآغتي تجهزين ماء مغلي مع ملح وزيت زيتون وضيفي السبآغتي وحآسبي مدة طبخها لا يطول نحنا ما نبيها مطبوخه حيل نحنا نبيها قريب للإستواء أو توها صارت مستويه .. اللحم هنآ صآر جاهز معنآ .. ضفته لصلصلة الطماطم مثل ما ذكرت مسبقاً .. خليه يطبخ دقيقتين وبعده قدميه مع الباستاآ .. طبعا البآستآ عقب مآ تصفيها ضروري تغسلينها بماي بارد ع السريع لحتى تكون متفرقه ومش متلاصقه .. قدميه وزينيه بالجبن وأوروآق الريحآن والبقدونس الطآزج

الخطوات بالصور

الشكل النهائي

 

بالعافية

 

About admin

Leave a Reply

Your email address will not be published. Required fields are marked *

*