Thursday, November 23, 2017

طريقة عمل خضار بالجبن والباشميل بالصور

وناتي لطريقة اعداد الطبق ,,,

نحتاج الى خضار مشكله مثل ماتحبون نقطعها حلقات و ماتكون سميكه مر

وانا استخدمت البطاطس و الكوسا و الجزر

و بعدين نحمس بصل وحده مع اشوي ثوم و زنجبيل و نضيف لهم الخضروات مع اضافة القليل من الابهارات المشكله و قليل من الملح وبعد دقيقتين و احنا نقلب بالخضروات نضيف اشوية ماي و نسكر عليهم علشان يطبخون على نار هادئة

وبعد ماتجهز الخضروات و تذبل نجهز البشاميل

نحمس بصله وحده مع قليل من البقدونس على النار

و بعدين نضيف ملعقتين طحين الى البصل

ثم نذوب واحد ماجي في 1 كوب موية دافيه و نضيف لها 1 كوب كريمة مخفوقه ونخلطهم ويا بعض و بعدين نضيفها للبصل و نحرك الين يغلي

نضيف الخضروات المحموسه الى صينية الفرن ونضيف لها الجبن الشيدر المبشور و الموزاريلا و نحط كميه منهم نسكب خليط البشاميل فوق الجبن و الخضروات ونرشها بالجبن المبشور و البقسماط و البابريكا وندخلها الفرن لدرجة حراره 180 درجة مئويه للفرن الغاز و 350 فهرنهايت للفرن الكهربائي ونخليها لمدة ربع ساعه علشان تتسبك ونحمرها

الخطوات بالصور

بالعافية

About admin

Leave a Reply

Your email address will not be published. Required fields are marked *

*