Wednesday, December 13, 2017

طريقة عمل ريش مشويه .. وَ التقديم يغلب تشيليز وَ آبل بيز بالصور

المقادير

لـ الريش / ريش نعيمي صوص ستيك ملعقه صغير خل ابيض فص ثوم مهروس فلفل اسود و ملح

لـ البطاطس / بطاطس قطع كبير ماء فاتر ملح و فلفل اسود قشطه خفق ملعقه كبير جبن سائل تقريباً ربع اصبخ زبده او ما يعادل ملعقه كبير كراث مقطع للتزيين

لـ السلطه / اي نوع سلطه تفضلينه ( خيار – طماطم – فلفل رومي ملون – خس ) و تتبّل بـ تتبيلة السلطه من كنور واستخدمت نوع [ خل مع الثوم ] ~

لـ الباقه / جرجير حبة كراث للربط

في البدايه :

غسلت الريش مضبوط و في وعاء جهزت التتبيله .. كان ممكن اكتفي بـ صوص الستيك بس احب اضيف نكهتي و اغير من النكهات ~

3 ملاعق صوص الستيك فص الثوم مهروس ملعقه خل صغير ملح و فلفل اسود حركتهم زين و تبلت الريش و تركتهم في الثلاجه ساعه ~

خلال الساعه .. جهزت السلطه و الجرجير و بديت في البطاطس ..

احتجت 3 حبات بطاطس وسط . قطعتهم قطع كبيره متساويه ( عشان اضمن استواهم بنفس الدرجه ) و حطيتهم على النار بـ ماء فاتر مايل للبروده .. ( وهنا يكون سر البطاطس المهروس ) لو خليت المويه ساخنه .. راح تنهرس من برا ومن جوا غير مستويه ..

تحتاج تقريباً 20 دقيقه .. في آخر الغلي شكي بالشوكه وسط قطعه البطاطس اذا انهرست يكون تمام .. رشي الملح و خليها ثواني و بعدين صفيها ورجعيها للقدر .. اضيفي الفلفل الاسود و الزيده و الجبن السائل و اهرسي بـ الأداه المخصصه ~

و بعدين اضيفي قشطه خفق .. ( انا احتجت ما يعادل فنجان قهوه ) و خليها على نار هادئه .. و كل شوي قلبيها

نرجع لـ الريش .. استخدمت الصينيه المخططه ( تعطي خطوط الشوي ) دهنتها بـ قليل زيت و سخنتها عالنار .. حطيت الريش وعلى كل جهه خليتها تقريباً 7 دقايق مجرد ما تحمر و يمر الوقت اقلبيها على الوجه الثاني .. بشرط ! ما تقلبينها الا مرتين فقط ( عشان ما يقسى اللحم ) لذلك لا تقلبين الا و انتي متأكده انها حمرت و استوت نص استوى ~

في صحن جهزي باقة الجرجير ( و يُفضل لو ترشينه بقليل زيت زيتون لـ اللمعه ) و جنبها السلطه .. و البطاطس .. ! بس في حركه لازم تجهزينها للبطاطس .. الا و هي !

في طاوه صغيرونه جداً حطي بياله شاهي من قشطة الخفق ورشة ملح خفيفه و فلفل اسود و خليهم عالنار اذا بدأت تتطلع فقاقيع خذي ملعقه صغيره من البطاطس المهروس و حركيه معها ( عشان يثقلها ) خليها ثواني عالنار و بعدين صبيه عالبطاطس و زينيه بالكراث

وما ننسى الريش .. و استمتعي بـ الذ عشاء ينافس تشيليز و ابل بيز^_^

الخطوات بالصور

وبالعافية

 

About admin

Leave a Reply

Your email address will not be published. Required fields are marked *

*