Monday, September 25, 2017

طريقة عمل صينية الدجاج بالكريما والباستا بالصور

طريقة عمل صينية الدجاج بالكريما والباستا بالصور

المقادير

_ دجاج صدور مقطع مربعات _ بصل _ فطر _ مكعب ماجي _ 2 حبة ثوم مدقوق نشوح البصل + الثوم + الفطر + مكعب ماجي .. مع شوية زيت على النار .. وبعدين نحط الدجاج ونخليه على النار ونفضل نقلب الين ما يستوي ..وتنشف ميوته >>بس انتبهي لا ينحرق .. نحط البهارات على الدجاج ..( رشة فلفل اسود + رشة زعتر بري +1م ض كمون+ 1م ض قرفة) اذا تحبي ملح حطي بس شوية .. لا تنسي انو الماجي فيه ملح .. فانتبهي لا تكثري .. نجي دحين للمكرونة الازانيا … نخرج اربعة شرائح لازانيا او اكتر من الكرتون ( على حسب ما تحبي ) .. ونحاول بيدينا نكسرها مربعات طبعا قبل ما تنسلق .. ونصب عليها المياه الحارة وهيا في القدر .. ونتركها حتي تستوي .. نجي دحين لخلطة الكريمة .. (1 علبة قشطة + ملعقة جبنة كاسات مسح + ملعقة مايونيز + شوية كريمة خفق عشان تخف الخلطة شوية ) نرجع للمكرونة ونصفيها من المويه .. نحط المكرونة على الدجاج ونقلبه شويه على النار … عشان المكرونة تاخذ نكهة الدجاج ونقلب .. بس شوية يعني 5 دقايق .. نرفع الدجاج والمرونة من النار .. ونحطها بالصينية .. نحط الكريمة .. ,نرش الجبنة من فوووق … وندخلها الفرن من تحت لمدة 15 الى 20 دقيقة .. ومن فوق عشان تتحمر

الخطوات بالصور

وبالعافية

 

About admin

Leave a Reply

Your email address will not be published. Required fields are marked *

*