Monday, October 23, 2017

طريقة عمل وصفة المحار اللذيذة بالصور

طريقة عمل وصفة المحار اللذيذة بالصور

وصفة المحآر اللذيذه || Delicious Oysters Recipe الكميه تكفي ل ٣ أشخاص ،، في حالة تبينه ل٦ أشخاص دبلي المقادير ،،

المقآدير:-

٨ محآر [ مهم إنه يكون نظيف ويلمع من نظآفته ]

٨ حبآت تشيري توميتو ( إذا ما توفر عندج التشيري استخدمي ٣/٤ حبة طماطم كبيره)

٣ فصوص ثوم [ للي يعشق السبايسي بإمكانه يضيف الفلفل الأحمر الحآر بإمكانه يضيفه مع خطوة الثوم ]

١ بصل كوب حليب جوز الهند نص كوب روب نص مكعب ماجي

البهآرآت :-

ملعقة طعام كاري نص ملعقة شاي بهارات مشكله رشة هال

ملعقة شاي ملح نص ملعقة شاي زنجبيل بودره ربع ملعقة شاي فلفل أسود

الطريقه:-

نحمس البصل مع ملعقتين طعام زيت زيتون ،،،

بس يبدأ يتغير لونه أنضيف الثوم ،،

ولما يصير لون البصل مائل للذهبي انضيف الطماطم ،،

وانضيف البهآرآت ونخلط ،،

بس ينطبخ الطماطم ويصير لين انضيف الروب وحليب جوز الهند ،،

خليه يفور لمدة دقيقتين ،،

وبعدين حطيه ف البلآندر واخلطيه لحد ما يصير كريمي ورجعي الخليط للقدر شوفوا كيف صار قوامه ،،

انضيف الماجي للخليط ونخلطه لحد ما يتجانس ع نار هاديه ،،

بعدين انضيف المحار ،، ونغطيه لمدة ٥ دقايق بتلاحظين المحار فتح بالكامل ،،

وفي الأخير نقدمه في صحن رآقي وانزينه مع بقدونس أو بصل أخضر ،،

أنآ من لذته حبيت أكله ساده بدون أي اضافات ،،

الخطوات بالصور

وبالعافية

About admin

Leave a Reply

Your email address will not be published. Required fields are marked *

*