Tuesday, December 12, 2017

طريقة عمل النيوكي بالصلصة الحمراء والريحان بالصور

النيوكي اللي اخترته اليوم

من أبسط أنواعه .. ونفس الشي الصلصة ..

مقــادير النيوكي .. لكـل 6 أشخــاص

4 حبـات بطاط متوسط الحجم مقشر ومقطع مكعبات متوسطة ومفور ( مسلوق )

4 أكواب طحين حبتين بيض 4 ملاعق طعام جبن بارميزان ملح حسب الرغبة الطريقة :

أول شي نهرس البطاط عدل بحيث ما يكون عنا كتل يابسة

نحط الطحين على الرخام ونضيف له الملح .. وانسوي فيه حفرة في النص .. ونكسر البيضتين فيه

وبالشوكة نحاول انخلطهم ويا بعض

وعقب انضيف البطاطا المهروس على الطحين .. وانعجن بالإيد

وبيكون عنا المزيج بهالشكل نكمل العجن طبعا ما نبالغ في العجن لأن هالعجينة كلما عجنتيها زيادة .. بتستوي لينة .. وبتتضطرين اضيفين طحين زيادة مثل ما تشوفون فالصورة إني ضفت البارميزان عقب .. وهاي كانت غلطة خلتني أعجن مرة ثانية وبالتالي احتجت لطحين زيادة .. وعموما لو شفتي العيينة لينة ما عليج غير اضيفين شوية طحين وتعجنين شوية .. بدون مبالغة .. تراها مب عيينة فطاير أو بيتزا

وهاي عجينة النيوكي جاهزة انخليها على ينب .. وانسير صوب الصلصة صلصة النيوكي مثل أي صلصة تستخدمينها للباستا باشميل ، الصلصة الحمرا ، صلصة كرات اللحم ، صلصة الزبدة والريحان، صلصة الألفريدو لج الخيار

مقادير الصلصة للاسف ما صورتها كاملة لأن الوقت اتأخر علي ووقت الغدا اخرته .. بس هي سهلة وأظن الكل يعرف طريقتها

بنحتاي لــ

8 حبات طماط متوسط الحجم انفورهم وعقب انقشرهم وفي خلاط العصير نهرسهم

في قلاية نحط شوية زبدة وشوية زيت الزيتون وننتبه ما نرفع النار لان زيت الزيتون يحترق بسرعة

انحط حبة بصل مقطعينه مكعبات صغيرة وانخليه لين يذبل

و انضيف له فصين ثوم مهروسين

وعقب انصب فوقه الطماط اللي هرسنا في الخلاط وانخليه عالنار شوية

انحط عليهم ملعقتين طعام معجون طماط وملح وفلفل أسود حسب الرغبة ونخلط

ومكعبين ماجي وانضيف له تقريبا ربع ليتر ماي وانخلي الصلصة تفور عالنار وانقصر عليه لين تتكثف شوية

وفي الأخير نضيف له الريحان

الحينة انرد حق النيوكي ناخذ جزء من العجينة

وانسويه على شكل اسطواني

وعقب انقصه قطع صغار على شكل مخدات تقريبا بطول انش

وناخذ كل قطعة وبطرف الشوكة ،، انسوي في خطوط حزوز وتكون ملتفة بهالشكل

وممكن تاخذين القطعة ،، واتحطينها على صبعج ،، وبالشوكة تضغطين عليها

الخطوات بالصور

 

وبالعافية

 

About admin

Leave a Reply

Your email address will not be published. Required fields are marked *

*