Thursday, September 21, 2017

طريقة عمل كبسة إماراتية بالصور

المقادير والطريقه مع بعض الموووضووع حامي حامي ..

بدايه نجهز البهاراات اللي هي

كمون + بزار هندي + كزبره + كركم + زنجبيل + فلفل ابيض او اسود

وحبه سوده (( حبة البركه )) نخلطها مع بعض ونبهر فيها الدجاج او اللحم اذا حبيتوا

انا سويتها دجاج طبعا وتركت جلده بعد ما غسلته وخليته في ملح خشن وثم طحين

عشان نخوز الزنخه

ونتركها مبهراات ومزينات نحمرها في زيت مجرد تحمير

ونرفعها على جنب ونحمر مكانها بطاطس وجزر

مجرد تحمير خفيف وعلى نار حاميه طبعا مهم انه ما يستوي ونرفعه

ونحطه مع الدجاج

جانب اخر من المقادير (( بصل + فلفل بارد + طماط ))

في نفس القدر نحمر ورق الغار والليمون الاسود خمس دقايق بس ونحط البصل اذا

تغير لونه شوي نزيد الفلفل البارد بعد ما كشنا الكل نرد الدجاج والبطاطس على النار

ونقلبها شوي ونكون مجهزيين

(( كزبره + شبت + بقدونس + ثوم كلها مفروومه ناعم ))

نحط الطماط وخليط الكزبره ومكعبين الماجي على الدجاج

نقلبها شوي ونزيد عليها الماء المغلي طبعا الكميه مجرد تغطي الدجاج بعد اول غليه

نظبط الملح ونتركها على النار لمن يستوي الدجاج

ومن ثم نرفعه ونحط الرز طبعا بعد ما نكون

(( غاسلينه ومنقعينه مع هيل مطحوون وفنجال ماء ورد وملعقة ملح )) هذي طريقتي

في نقع الرز ومرات احط مستكه خاصه مع المزه ..

بعد ما تنشف المويه نرد الدجاج ونتركه على نار هاديه لمن يستوي وشووفي الريحه كيف

الخطوات بالصور

وبالعافية

 

About admin

Leave a Reply

Your email address will not be published. Required fields are marked *

*