Sunday, December 17, 2017

طريقة عمل لحم مشوي بالصور

المقادير :

يد بـ كتف ( ذبيحه ) كامله

وشوي من الاضلاع

3 ملاعق كبيره صوص باربيكيو

2 فص ثوم مفروم

1 ملعقه صغيره من ( فلفل اسود + كزبره ناشفه مطحونه + فلفل احمر )

ملح << على حسب خبرتي اللحم يشتد اذا ملحتيه من اول الطبخ .. بس بما اني راح اشويه فـما عندي وقت اطلعه بعد وقت من طبخه واملحه وارجع اكمل الطبخ .. فـ ملحته من الليل ..

راح اكمل شرح..

اول ما وصلت الذبيحه اخذت هالجزء ونظفته وغسلته

صوره لـ المنكهّــات بس نسيت الثوم هههه

طبعا خلطت الصوص مع الثوم والبهارات .. وتبلّت اللحم .. وراح اقولكم سبب تبهيري لها ..

لو تلاحظون كميه البهارات والصوص قليله على كميه اللحم .. انا ابي ابين نكهه اللحم الطازح << ولا احلى

بـ نفس الوقت ابي طول الليل وهو في الثلاجه يتنّــكهه بالبهارات من غير ما يطلع لي ريحه زفره سواءً في اللحم او في الثلاجه

طبعا حطيت طبقة بصل حلقات تحت اللحم ..

وغلفته تغليف محترم بـ القصدير ..

لاني من الثلاجه على الفرن..

:bluecloke:

بالضبط تبلته الساعه 9 الليل .. وطلعته من الثلاجه الساعه 30 : 11 ظهراً

خليته نص ساعه على طاولة المطبخ الين فكت برودة اللحم ..

ودخلته الفرن الساعه 12 ظهراً

والساعه 3 عصراً كان جــاهز

رفعت عنه القصدير وحمرت وجهه ..

وصوص الباربيكيو اعطاه نكهه الفحم ولا اروع وبلا تعب !

الخطوات بالصور

وبالعافية

 

About admin

Leave a Reply

Your email address will not be published. Required fields are marked *

*