Thursday, November 23, 2017

طريقة عمل الكسكسي بالطريقة الفلسطينية بالصور

❤ نبدا بمقادير الكسكسي

كسكسي جاهز انا مالقيت باكيلو اخذت هذا(بالكيلو افضل) 6ملاعق زيت دوار الشمس 4/3 كوب ماء

ماحتستخدم كلها مجرد ترطيب للكسكسي نحط الكسكسي فصحن كبير نرش كمية الزيت عالكسكسي

ونقلب بيدنا وبعدين نضيف رشه من المويا ونفتل الكسكسي ونخليه يتخلل من بين اصابيعنا اتمنى فهمتووني دي الحركه بس عشان لايتكتل معانا

وكل مره نضيف رشات من المويا ونفتل لين مانحس انه كله اتشرب المويا ويسير زي كدا

نجهز خلطة الدفنه (اسمها كذا) لاننا نسوي حفره بالوسط ونحطها تتكون من: بصلتين كبار – عين جراده – كمون – فلفل اسود – فلفل اخضر حاار يعطيه

طعم لزيييز (اناماضفت عندي صغار ) نحطهم مع بعض فطحانة البصل الين ماينطحن البصل ناااعم

ونضيفه على الكسكسي وحيسير كذا شكله بعد الخلط وحيكون الخلط بنفس الطريقه الاولى عشان لايتكتل معانا وبعدين نغطيه بسفره عشان لاينشف معانا

نجهز الدجاج لازم تستخدمي قدر المنتو لانه نبغى الكسكسي يستوي عالبخار استخدمت دجاجه وحده وشلت جلدها وسلقتها بمويا وبس

بعدين اول مايبدا يغلي احط في الطبقه الاولى الكسكسي واغطيه باحكام (ماصورتها) تقريبا حياخد من ربع ساعه لثلث ساعه بالكتير

نشيل الدجاج ونحطه فصينيه وعالفرن نحمره من فوق انا اضفت صلصه عالوجه عشان يتحمر

مقادير اليخنه تبع الكسكسي حبتين طماطم كبيره وحمره(مقدارك حسب ماتحبي) –

بصلتين كبيره برضو حسب ماتحبي حمص بليله حسب ماتحبي – مكعب ماجي – ملعقه ك كمون – ملعقه ص فلفل اسود – 2م صلصه حسب ماتحبي من خضار

ممكن (بطاطس – دبه – كوسا) حطيت ملعقة زيت زيتون ومعاه البصل مجرد تقليب

بعدين اضفت كل المقادير الباقيه وحطيت عليهم مرقة الدجاج حقت السلق وخليتها تغلي

وبعدين رخيت النار لمدة ربع سااعه

 زينت الوجه بالبقدونس

الخطوات بالصور

وبالعافية

 

About admin

Leave a Reply

Your email address will not be published. Required fields are marked *

*