Wednesday, October 18, 2017

طريقة عمل ساندويش بالصور

 

المقادير:

كوب ونصف طحين
3/4 الكوب ماء فاتر
بيضه
ملعقه كبيره خميره
نصف ملعقه ملح
ملعقه كبيره سكر
ملعقه سمن

اول شي نذوب كل شي في الماي ونبتدي بالخميره والسكر ونخفق, بعدين الملح والبيضه والسمن ,,
ويصير مثل الزباد
” شوفواا شلوون “

ونصبه على الطحين شوي شوي لين تستوي العجينه ممتازه ويمكن ماتحتاجون الماي كاملـ ’’
نخليها ترتاح لمده ساعه كامله علشان تنتفخ زين ,,
” هني بعد مانتفخت

نكور العجينه مثل السندويش وبالبروش نمسح على الوجه بحليب ونحط سمسم
(خلوه مسطح لاتنسون انه بينتفخ ونبيه يكون هش وقطني) > هالشي اخترب عندي لاني خليت العجينه متينه

وندخلها لمده ثلث ساعه في الفرنَ بس خلكم منتبهين له يمكن يستوي قبلـ (على حسب الفرن) ,, لازم ينتفخ ويستوي مثل السندويش العووووووود
” بعد ماطلعناه “

انا اعتبر النتيجه فاشله عندي حتى الطعم احس مو لي ذاك الزود والسبب اني سويت العجينه دبدوبه ,, علشان جذي سطحواا السندويش ,, بس زوجي عجبه اهم شي عن الانتقادات

.
.

ألحينَ ,, الدجاج
ندقه لين يتسطح بعد مانغسله طبعاً

.
.

انا ماسويت برجر برجر ,, يعني تقولون فيليه ’’ من ناحيه التبهير كيفكم فتحوا خزانه البهارات وحطوا اللي تبونه ,,
انا دايما احط (ملح, فلفل اسود, رشه فلفل احمر حار, زعتر, بابريكا, بودره ثوم) وزيدوا ونقصوا براحتكم ..
كنت ابي احطه بالفرن بس كنسلت وخليته تقريباُ مشوي بس رطبته بزيت زيتون على طابي (مقلاه) ’’

وهني تقريباً انشوى ,, اضفت عليه شريحه جبن شيدر وغطيت المقلاه (نسيت اصور هالخطوه) شوي بس لين يذوب ورفعوه ,,

حشوه السندويش ,,

خس امريكي قطعته وغسلته ,,
+
طماطم حار
+
افوكادو

.
.

طريقة الطماطم ..

قطعي طماطه متوسطه مع حبه او ثنتين فلفل علوب (حار) ونصف ليمونه ,, يمييي

.

صلصة الافوكادو ..

عباره عن حبه افوكادو ننظفها ونحطها في الخلاط مع قطره ماي علشان يختلط زين ,,

والحين نجيب السندويش ونقطعه من النصف ونضبطه .. رتبــوا الاكلـ داخلـ ,,

خس + الدجاج + معجون الافوكادو + الطماطم الحاره
(تقدرون تضيفون بصلـ وخبز مقلي شرايح ضعيفه جداً او شرايح فلفل حار)
بس انا اكتفيت باللي حطيته وماحب البصل بالأكلـ اذا كان فرش ~

النتيجه

 

About admin

Leave a Reply

Your email address will not be published. Required fields are marked *

*