Monday, October 23, 2017

طريقة عمل الكيكة الاسفنجية بالصور

المقادير (كلها بالاكواب المعياريه )

7 حبات بيض حجم وسط بدرجة حرارة الغرفه (لاااازم تكون بحرارة الغرفه )

1 كوب وربع طحين ¼ كوب نشا ¾ كوب سكر 1 م ك فانيلا نقطتين فقط خل ابيض (عشان ريحة البيض) بنات ترى مانسيت البيكنغ باودر بس هالطريقه مافيها بيكنغ باودر ابدا , يعني لاتفكرين تحطين لأنه مايحتاج الطريقه اول شي شغلي الفرن على درجة حرارة 180 قبل لاتبتدين شغلك وطبعا الشبك لازم يكون فالوسط ثانيا نخلط الطحين والنشا مع بعض وبعدين نشخلهم (ننخلهم )

3 مراات عشان يدخل الهوا فالطحين والحين نحط البيض في وعاء عميييق ونخلي باقي الاغراض كلها قريبه مننا لأني اذا ابتديت اخفق مابقدر اوقف فلازم كله يكون بمتناول يدك <<< شرايكم باللغه بس ايه ولازم ساعه بعد بمتناول عينكم << مصختيها عاد وبسم الله نبتدي بخفق البيض <<<عاد هذا قصته قصة تابعوا معاي اول دقيقه نخفق على سرعه منخفضه وبعدين نزيد السرعه اعلى شي ونخفق 7 دقاىق متوااااصله بعد ماتخلص ال 7 دقايق نضيف الفانيلا والخل الابيض وبعدين نبتدي نضيف السكر ملعقه تلو الملعقه هههههه لغتي العربيه قويه ماشالله وبعد ماضفنا كل كمية السكر نخفق 5 دقايق اضافيه وهني بنكون خلصنا خفق البيض وبكون ماشالله كثيف ومرتفع واايد , بنات لاتغلطون غلطتي وخفقوا البيض باكبر وعاء عندكم , انا ماتوقعت انه بينتفخ لهدرجه وتغربلت وانعفست الدنيا علي ويا اللقلاقه << فهمتوا شي؟؟ المهم نكمل الحين نشيل الخفاقه الكهربائيه خلصت شغلها خلاص ونجيب ملعقه كبيره الخشب او السيليكون ونبتدي رحلتنا مع خليط النشا والدقيق تذكرون المشخال (المنخل ,المصفاه) الي شخلنا فيها الطحين والنشا فالبدايه ؟؟ سحبوه من يده لأننا بنستعمله ناخذ تقريبا ربع كميه الطحين ونشخله فوق خليط البيض بعدين بالملعقه السيلكون نحرك الخليط بهدوء نص دائره بس بدون لاتطلع الملعقه بره الخليط عشان الهوا يتم داخل مايطلع بره , والله مب عارفه شلون اشرح لكم بس انشالله اكون قدرت اوصل المعلومه وبس يختفي الطحين نرجع نضيف ربع الكميه حتى نكمل كل الكميه وبس يختفي اخر ربع من الطحين خلاص لاتخلطون اكثر عشان لاتجيبون العيد شفتوا الصوره بنات هذي اللقلاقه الي اقولكم عنها شوفوا كيف الخليط طفح مسكين نكمل الحين نجيب قالب دائري ويفضل المنيوم طبعا (الي عندي من تافولا) وندهنه بسمن مو زيت لحد يحط زيت سمن وبس , انا استعمل سمنة لورباك بطعم الزبده, ونرش طحين ونتاكد انه مغطى كامل ونصب خليط الكيك وندخله الفرن , الحين الحجم الي بكون فيه الخليط اهوا نفسه الي بكون حجم الكيكه يعني مابتنتفخ اكثر داخل الفرن لأنه مافيها باكينغ باورد بعد 20 دقيقه نفتح الفرن ونتاكد انها استوت المفروض ماتاخذ وقت اكثر نطلعها من الفرن ونتركها تبرد عدل بعدين نحطها بكيس

نايلون وفالثلاجه لثاني يوم

طريقة الكيكة بالصور

ثاني يوم نطلع الكيكه من الثلاجه عشان نجهزها للتقديم

واول شي لازم نسويه الكريمه الي بنزين فيها

الكريمه : كريمة خفق + سكر حسب الرغبه

نحط السكر قبل مانبتدي خفق لأنه اذا حطينا سكر عقب مانخفق الكريمه بنلاحظ انها تذوب لأنه السكر حار

الحين نجيب كيكتنا الحلوه ونقسمها ثلاث طبقات

ناخذ اول طبقه وندهنها بالكريمه وبعدين نحط اي حشوه نحبها ممكن تحطون فواكه معلبه بس انا شخصيا ماحبها كلش خصوصا فالكيكات , حشوتي كانت عباره عن (mix berries) مجمده رشيت عليهم سكر عشان تعرفونها تكون حااامضه وانا الكريمه بعد كنت حاطه فيها سكر خفيف واذا شلت السكر من كل شي بتستوي كيكتي بيتزا مو sweet

وبعدين نحط الطبقه الثانيه ونفس الشي كريمه وفواكه

ونحط فوقهم اخر طبقه ونغطيها بالكريمه

بعد مانغطيها بالكريمه نزينها بللي نبيه ونحط مكسرات عالاطراف وبس صحتين وعافيه

الخطوات بالصور

الزينة

بالعافية

 

About admin

Leave a Reply

Your email address will not be published. Required fields are marked *

*