Saturday, September 23, 2017

طريقة عمل كيكة التوفي بالصور

نبدأ بالمقادير :

كوب طحين
ثلاث ارباع كوب زيت
علبة حليب بوني
فنجانين سكر عادي
ملعقتين كبار بيكنج بودر
ملعقه صغيره فانيليا
3 بيضات
6 ملاعق كبار حليب نيدو
رشة قرفه ..

الطريقة :

اول خطوه لازم تاخذين النيدو وتحرقينه بمقلاه على النار وتحاولين تقلبينه بشكل سريع عشان يطلع معاك بني فاتح مو اسود وانتبهي وانتي تقلبين حاولي تكونين سريعه

الخطوه الي بعدها تاخذين الثلاث بيضات وتفقشينهم باناء مقعر ( اتعب انا على مقعر )
يعني مجوف  يعني عميق < خلاص وصلت الملعومه !!
وتخلطينها بالخلاطه مع السكر لييييييييين تتكون رغوه ..

بعد ما تتكون رغوه هنا ابدي اضيفي السوايل بالتدريج (الزيت +علبة حليب البوني )
بعدين الفانيليا البيكينج بودر بالتدريج .. الطحين بالتدريج .. اخر شي النيدو المحروق + القرفه )
لو حابه تضيفين شي ثاني براحتـك

تجيبين صينية بايركس وتدهنينها بزبده وطحين شوي وتحطين الخليط ، وتكونين قبلها مسخنة الفرن وتدخلين الكيكه والفرن حاار ساعه الا ربع وهي مستويه دخليها الثلاجه وهنا ننتقل للسوس ..

طبعا سوس التوفي له الفففف وصفه ووصفه واغلبها بصراحه مش في البيت ..

انا جبت وصفه سهله من مخي وضبطت معاي ونتيجتها مرضيه مافيه تكتل ولا هي سايله مره ..

تسيحين فنجانين سكر على النار لين يذوب ويقلب لونـه بني .. بعدين اضيفي له علبة بوني بالتدريج كل ما بغيتي السوس يكون سايل زيدي الحليب البوني .. وكل ما بغيتيه ثقيل قللي الكميه
واستمري بالخلط اثناء الاضافه وهذي اهم خطوه .. < وهنا نرجع تذكرك عزيزتي القارءه انه تدريب مثالي ل عضلات اليد للحصول على يد ممشوقه تخلو من الزوائد والهضبات وكذا < لاعاد تتحمسين
اخر شيء اضيفي القرفه ..ولمن تبرد الكيكه اضيفي لها هالخليط وكبيه كب عشان يتخذ شكل انسيابي زي ما انتي شايفه

هنا نجي لشكل الكيكه من الداخل : ..

 

About admin

Leave a Reply

Your email address will not be published. Required fields are marked *

*