Wednesday, September 20, 2017

طريقة عمل معمول بالتمر بالصور

نجي للمقادير

6 فناجيل شــاي دقيق ( فنجال السيف القديم )

أو

2 كـأس دقيق

+

4 ملاعق أكل كبيـــرهـ سكـــر مطحون > ضروري يكون مطحون

+

6 حبات جبن كيــــري بـ حرارة الغرفة

+

2 أصبع زبدة ( 113 جرام ) بـ حرارة الغرفة

+

ربع ملعقة صغيره يانسون مطحون ( ممكن تستغنين عنها )

الطريقة

[ قبل ماتبدأين في العجن شغلي الفرن على درجة حرارة 160 ] > لازم يكون الفرن حااار والسبب تلاقونه تحت

تخلطين الدقيق و السكر واليانسون مع بعض .. وتضيفين لهم الزبده والجبن

وتعجنينهم بيدك إلى أن يتجانسوا .. وإذا شفتي ان العجينه تحتاج شوية دقيق

عادي زيديها بس لاتكثري .. يعني زيديها ملعقه كبيره فقط

لأنه يهمني أن تكون العجينه وســــط لا هي لينه مررره ولا قاسيه مره

السبب اذا كانت لينه مره حـ تطفشك وتلزق بقالب المعمول

وإذا صارت قاسيه حـ تتفطـــر عليك لما تخبزيها

شوفوا كيف النتيجه

نجي للحشـــوة

راعي نوعية التمر اللي تستخدمينها .. لازم يكون طازج أو لين وطري

لأن التمر إذا كان قاسي حـ يخرب لذاذة معمولك .. وكمان حـ يضايق الناس اللي بتأكله

أنا أوقات اطحن التمر وهو طازج في مطاحن التمر أو إذا رحت بنده أو أي مكان يبيع التمر

ألمس التمر بأصبعي إذا غاص اصبعي في التمر هذا دليل انه كويس > الله ع الوصف

.,.

تمر مطحون معجون بـ هيل مطحون وقرفه مطحونه ونقطة زبده > مو ناقصين كآلوري

أنا كنت مستعجله .. فـ استخدمت التمره لـوحدهـ

ملاحظه

( التمر يكون مجهـز قبل نبدأ في العجن )

.,.

خذي شوي من العجينه وأفرديها بيـدكـ و احشيها

وراعي إن طبقة العجينه تكون رقيقه ع التمره مو سميكه ؛ عشان يجي هش ومقرمش

وبـ قالب المعمول نشكـلها .. أفضّـل الـقوالب الخشبيه

( البعض يرش القالب بالدقيق عشان يسهل له نزول المعمول بس انا مااحتجت ارشه )

وعشان ماتزعجي جيرانكم بـ الطق و الخبـط ,, اثني منشفه لـ عدة ثنيات

واضربي رأس القالب في المنشفه .. وهـووووب تلاقي الباشا شـّرف ههههه > لسه متأثره بالولاده

وهون شوفوها متسدحه تنتظر الخـَبـز

تقريبا حـ يـآخذ إستواءها وتحميرها ربع ساعه

[ ما قلت لكم لازم الفرن يكون حاااار .. عشان تستوي وفي نفس الوقت ماتتفطر .. بس في كم حبة تفطرت من فوق > ما أدري شو السبب ! ]

.,.

ننزلها – بحذر – في صحن مفروش مناديل عشان يمص باقي الزيوت

ونتركها – 10 دقايق تبرد شوي .. وبعد ماتبرد نزينها بـ سكر مطحون

والسبب في إننا ما زيناها أول ماخرجت من الفرن..

لأن المعمول وهو حار يمص السكر ويـُـفـقـد السكر بياضه ويصير سكري

والآن جـاء وقت التقديـم

About admin

Leave a Reply

Your email address will not be published. Required fields are marked *

*