Friday, December 15, 2017

طريقة عمل تارت التفاح المقلوب بالصور

 

 

المقادير ..


أصبع زبدة ..~
فنجانين قهوة حليب مجفف..~
فنجان قهوة قشطة ..~
فنجان قهوة ماء مثلج ..~
ملعقة سكر .ممكن نستغني عنها .~
كوبين خليط كيك الفانيلا ..~
كوب دقيق ..~
رشة ملح .~ رشة هيل .في الصورة بنفس كوب الدقيق من فوق حطيتها .~

~……………………………..~

طريقة عمل العجينة نفس عجينة البسكويت ..~

نخفق الزبدة و السكر لمدة دقيقة ..ثم نضيف القشطة و الماء ..
ثم الحليب البودرة ..
و نخفق ..~

إلى ما تصير كريمية ..
أرجع و أقول .. لا تعقدوا أنفسكم الخفاق اليدوي أو مضرب الشبك يكفي ..

نضيف الدقيق و خليط الكيك .. 
و نجمع العجينة و ندخلها الثلاجة ..
وفي هذا الوقت نجهز ..

تفاحتين حمراء ثم حمراء ثم حمراء..~
راح تعرفوا ليش التأكيد على اللون بالرغم من إن الصورة فيها تفاح أخضر ..
ملعقتين سكر .. ~
مسحة زبدة ..~

في صينية التارت ..
نحط الزبدة و السكر و ملعقتين ماء و على النار ..إلى ما يتكرمل السكر
لا تستغربوا ما في مشكلة لو نحط الصينية على النار .. الطريقة الأصلية يستخدموا فيها قلاية و
في رواية طاوة , من النوع اللي يدخل الفرن و تكون
اليد أو المقبض تبعها من المعدن ..
نكمل ..

بعد ما يتكرمل السكر نوزع شرائح التفاح ..و نخفف النار على الهادئ جداً لمدة دقيقة بس ..
و بعدها نطفي و نتركها تبرد ..

مجرد إضافة ..~ لما نضيف التفاح للسكر ممكن نزيد عليها برش ليمون أو فانيلا أو إكليل الجبل


الأخضر أفضل ..
أو أي نكهة تحبوها .. لكن الأساسي هو إكليل الجبل

نفرد العجينة بحيث تكون أكبر من الصينية بسنتمتر و نصف..
مقاس صينيتي 30 سم ..و زادت معاي العجينة ..في الردود الجاية بنستخدم الزايد منها
و ممكن نجمدها و نستخدمها بعد كذا ..
و بالنسبة لسمك العجينة مثل ما تحبو .. عندي في البيت ناس يحبوها سميكة و ناس
يحبوها رفيعة .. و أنا أخليها متوسطة لآني أحتار صراحة معاهم ..
ترى العجينة أفتح من كذا بكثير لكن التصوير مضروب ..

بعد ما نفرد العجينة نحطها على التفاح ..و نضغط على الجوانب ..
هذا النوع من العجائن بيكون حساس و هش جداً لذلك من الأفضل فردها على شيء ممكن ترفعيه مع العجين مثل .. حبيبة قلبي السفرة دائما أستعملها لأجل ما تتقطع معاي العجين ..

بعدين ندخلها الفرن على درجة حرارة متوسطة من عشرة إلى خمس عشرة دقيقة ..

هذي هي بعد ما طلعتها من الفرن ..
طبعاً لازم لازم أول ما نخرجها نقلبها على الصحن و هي حارة , لأن لو تركتيها تبرد

إنسي إنها تارت تفاح لأنه بيلصق بالصينية و بتصير فطيرة برائحة التفاح ..

ما بعد طاحت ..
شوفوها تحت ..

أخيراً وصلت لأرض الواقع ..بس البخار خلاها مو واضحة كثير ..
بعد ما قلبناها ..

و بالعافية على قلوبكم ..

 

 

About admin

Leave a Reply

Your email address will not be published. Required fields are marked *

*