Monday, November 20, 2017

طريقة عمل خبز الفوكاتشيا الإيطالي بالصور

المقادير :-

كاسة و نص طحين

معلقة صغيرة ملح

معلقتين صغار سكر

معلقة كبيرة خميرة فورية

معلقة صغيرة توم بودرة و لا تخافو ما حيطلع للخبز ريحة توم

معلقة صغيرة اوريجانو ( انا زدت الكمية لئني بحبو مع المعجنات)

معلقة صغيرة زعتر ناشف ( برضو زدت الكمية)

معلقة صغيرة روزماري ( اكليل الجبل) انا استغنيت عنو لئني ما بحبو

معلقتين كبار زيت زيتون (حسب الرغبة)

كاسة مي دافية ( ممكن تزيد او تقل )

هلأ الطريقة : –

بنخلط المقادير الناشفة سوا بعدين بندير المي شوي شوي و بنعجنها
و ضلي اعجني و اعجني لحد ما تسير العجينة طرية

هون بعد ما عجنتها و تركتها تخمر

هلأ بعد ما تخمر ساعة مديها بصينية مستطيلة و غطيها اتركيها كمان نص ساعة تخمر

هلأ حطي اطراف اصابعك عليها و اضغطي عشان تاخد شكل خبز الفوكاتشيا

 

و حطي عالوش زيت زيتون ( انا كترت لئنو زاكي مع الخبز هاد)

و اضفت من عندي شوية اوريجانو و زعتر ناشف و زيتون اسود حلقات

هلأ بنخبزو و بنحمر الوجه و حتلاحزي انو حيطلع الوجه قاسي شوي
ازا حابة يكون طري غطيه ربع او نص ساعة و قطعيه و قدميه كاسة شاي و كم نوع جبنة

About admin

Leave a Reply

Your email address will not be published. Required fields are marked *

*