Monday, September 25, 2017

طريقة عمل جبنة قابلة للدهن بأقل جهد وأفضل جودة بالصور

 

حناخذ شوية معلومات عالسريع عن :

مصل الحليب و مصل اللبن ..

أولاً ماهو مصل الحليب او مصل اللبن : [الصورة من النت]

هو السائل المتبقي و المنفصل من الحليب او اللبن بعد عملية صنع الأجبان او مشتقات اللبن كالزبادي او اللبنة ..

ويسمى ايضاً بالشرش وهو يحتوي على بروتين مفيد و سريع الامتصاص ولذلك يستعمل بعد تجفيفة فى صورة مسحوق يضاف للمشروبات كمكمل غذائي من قبل بعض الرياضيين. بالاضافة انه قليل السعرات في كل 100 مل يوجد 25 سعر حراري فقط ..

و أشارت بعض الدراسات إلى ان مصل اللبن مضاد للإلتهابات و للسرطان

و يحمي الجسم من الأمراض نتيجة احتوائه على الأحماض الأمينية في المقام الأول و التي تحمي الجسم من أمراض القلب و السرطان و السكري ..

مع هالفوائد كلها قلت خلاص حخلي مصل الحليب بعد ما استخلص الجبنة ..

لكن نفسياً ما قدرت و كبيته مع اني ذقته قبل ما اكبه طعمه عادي .

. بس مدري ايش جاني و تخيلته في كوب و انا قاعدة اشربه وكرهته و كبيته نرجع لموضوعنا ..

نحتاج لثلاثة ليترات من الحليب .. استخدمت حليب كامل الدسم .. نحطه على حرارة متوسطة ..

ولما يصير قريب من درجة الغليان نضع فوقه نصف كوب من الخل الأبيض ..

[ قسته بالكوب المعياري و بعدين حطيته في كوب عادي عشان اوريكم المقدار للي مايحبو يستخدمو الأكواب المعيارية ]

اول ماحطيت الخل دقيقة و بدأ يتغير لون الحليب صار خفيف ..

و هنا بعد مرور كم دقيقة تلاحظو بدأ يخف اكثر وينفصل الحليب .. بهالوقت بدأت تتكون الجبنة ..

تأخر باقي الجبن على ما انفصل اخذ تقريباً نص ساعه الى ساعة الا ربع ..

وهنا بعد ما كثر  ..

و هنا تقريباً مع ما انفصلو تماماً عن بعض .. و جهزت زجاجة كانت لمربى .. عشان نحط الجبنة فيها ..

بعد ما تنفصل الجبنة تماماً عن مصل الحليب نضعها في اناء ..

ونصفيها من السائل .. في هذي الصورة قبل ما اصفيها .. حنحتاج قليل ملح و القليل من مصل الحليب يمكن نحتاجه ..

الملح حطيته كله وطلع ناقص للأسف ما ذقته الا بعد ما خلصت .. فاللي تحب الملح ينطعم تزيد و اللي تحبه قليل لا تزيد ..

و اخلطي اخلطي اخلطي اذا حسيتي انها مو راضية تلين حطي شوي من مصل الحليب انتبهي تزيدي قطري قطرات فقط ..

هنا خلاص صار قوامها كريمي و قابلة للدهن .. الكمية اللي طلعتلي تقريبا كوب ونص ..

تتغطى كويس و تنحط في الثلاجة ليلة كاملة و بعد كذا تكون جاهزة للأستخدام .. طبعاً الجبنة مختلفة عن الجبن السائل ..

قوامها وريحتها ذكرني بجبنة كيري الجرة ..

ريحتها زيها زيها 100% بس الطعم مو زيه 100% و بعد ما جلست بالثلاجة ليلة كاملة هذي جبتنا المليحة بامكانك تضيفي لها النكهات اللي تحبيها .. زعتر .. زيت زيتون .. او بودرة فلفل احمر باربكيا .. عسل .. اللي تحبيه ..

حطيت لبابا شريحتين توست وحده جبنة مع شوية زيت زيتون وزعتر و الثانية مع العسل ..

صورة اوضح للي بالزعتر ..

بالعافية

 

 

About admin

Leave a Reply

Your email address will not be published. Required fields are marked *

*