Saturday, November 25, 2017

طريقة عمل سلطة البرتقال والخس بالصور

سلطة البرتقال والخس

أول حاجة نقشر ثلاث برتقالات وناخد الفصوص بتاعتها

وصورت الطريقة بس بشكل سريع نقطع الجزء الأعلى والجزء الأسفل علشان البرتقالة تعرف تقف

ونقشرها بإننانمشى بالسكينة من اعلى البرتقالة لأسفل ولكن بزاوية علشان نشيل الجزء الابيض منها

والصورة دى توضح لما تتقشر البرتقالة بالكامل

وبعدين نمرر السكينة الرفيعة بين الفصوص يعنى على شمال الفص وبعدين على يمينه علشان يطلع بدون ألياف نهائى

اتمنى يكون الشرح واضح نيجى للمقادير (الصورة اخدتها والكهرباء مقطوعة علشان كدة مش واضحة )

ثلاث برتقالات مقشرة ومفصصة نصف خساية مقطعة قطع متوسطة ملعقتين بقدونس الصوص ربع كوب عصير برتقال طازج ملعقتين كبار دبس الرمان ربع ملعقة صغيرة ملح ملعقة كبيرة سكر ملعقة كبيرة خل ابيض للتزيين ملعقتين سمسم محمص الطريقة

نغسل الخس والبقدونس وننشفهم كويس ونخلطهم ونرصهم فى طبق التقديم

نرص عليهم فصوص البرتقال بشكل دائرى

أو الشكل اللى تحبوه

نخلط مقادير الصوص مع بعض

ونصبهم على طبق السلطة

ويزين بالسمسم

وبالعافية

About admin

Leave a Reply

Your email address will not be published. Required fields are marked *

*