Wednesday, October 18, 2017

طريقة عمل مئدوس الباتينقاان بالتفصيل بالصور

المقادير :

2 كيلو باتنقان صغير ، نصف كيلو جوز قلب ، فنجان شطه حمرا ، ملح للتخليل وزيت زيتون ممتاز ..

اختاري باتينقان يكون صغير ولونه فاتح شوي يعني لافاتح ولا غاميء وقطعي رأسو

حطيه بالقدر واضيفي عليه ماء مغلي ولما يبلش يفور وطيه شوي وغطيه واحسبي تلت ساعه فقط ..

لما يخلص اضغطي بابهامك على حبه ازا مستويه ولا ..

خليه يبرد شوي وافتحيه بواسطة السكين من النص دون الوصول للاطراف ..

حطي بكل شق عملتيه ملعقة صغيره ملح بواسطة الاطبع من كل الجوانب ..

رتبي الباتينقان في مصفى ( وعاء مفتوح له ثقوب صغيره ) ..

حطي عليه ثقل عشان تنزل ماء السلق انا حطية عليه 4 اكياس ملح كل كيس كيلو ..وحطيه بوعاء اخر اكبر حتى تنزل فيه ماء الباتينقان..

وخليه بالتلاجه مو بالفريزر  لمدة يومين كاملين ..

رح يكون بهالشكل ..

هلأ نحضر الحشوه تبعتو ..

جوز قلب او عين جمل مفروم خشن وشطه وازا
عندك فلفل احمر حطي  الز انا ماعندي بس ازا عندك سائل متل هاي ومشطشطه كاااااافي

نخلط الجوز الشطه بالمقدار اللي بدك اياه .. زيادة شطه  او اقل

نحشي البيتنقانات الحلوات بكميه وفيره << منال العالم

نجيب مرطبان نضيف ونرص فيه حبات الباتينقان بس بشويش عشان ما يتفغص

نكفو على وجهو للمرطبان مع وضع طبق اكيد  عشان ينزل الماي الزياده لمدة ساعه ..

اغمريه بالزيت وخلصنااااااااااااااااااا 

بعد اسبوع يكون جاهز للأكل وكل يوم افتحي عليه رح بنقص الزيت اضيفي زيت كمان ..

قدميه بطبق ورشي عليه قطرات من الشطه ..

او قدميه ب ساندويشات بشكل الباتنقااان :

طبعا ازا اتقنتيه اكتر مني رح يكون الشكل خرااااااافي وغريب ..

اعملي العجينه اللي بتحبيها ( انا استخدمت الطحين الاسمر ) وشكليها بشكل باتينقانه كبيره :

انا خليت الجسم نفس اللون وقمع الباتينقانه لونته بالاخضر بواسطة ملون الطعام السائل ..

 

About admin

Leave a Reply

Your email address will not be published. Required fields are marked *

*