Tuesday, December 12, 2017

طريقة عمل الاومليت بالبايركس بالصور

المقادير :

4 بيضآت
بصلة متوسطه مفرومه متوسط
طماطه متوسطه مفرومه
فلفل اخضر انا ما كثرت زوجي ما يحب يطعمه وايد بالأكل
و مشروم ممكن معلب انا استخدمت فرش 3 حبآت


البهآرات /
بهآر مشكل” بزار ” + فلفل اسود مطحون و فلفل اسود مجروش + ملح +كركم

اول شي نقطع الخضآر و نخليهم على جنب

هني ف الصورة كنت حاطه 3 بيضات بعد ما خفقته حسيت انهم شوي و زدت بيضه 

هذي البهآرات .. حطو حسب رغبتكم ..

بعد ما نخفق البيض بالبهآرات عدل نضيف الخضآر ونبتدي نخفقهم ” انا خفقت بالشوكة .,

حطيته ببايركسي الصغنون ,
قبل لاتحطونهآ ببايركس .. ادهنوه بشوي زيت نباتي او زيت زيتون اللي تحبون ,
انا نسيت احط بس اشوه ما لزق .

طبعآ ياخذ بالفرن حول 20 دقيقة تقريبآ لو الحرآره 150 و اقل لو كانت اكثر بس ما يحتآي تخلون الحراره عاليه


قدمته مع سلطة خس و جبن مبشور بدل ما احطه مع الوصفة
السلطة هذي انا ابتكرتهآ و انا واقفه عند الثلاجه ,
خاطري بالخس و الجبن المالح و الزيتون و الزعتر و الزيت زيتون ,
حطيت خستين .. و فوقهم جبن و على الجبن زعتر و زيتون و اخر شي رشيت شوي زيت زيتووون

يمي يمي دلشززز

يمي يمي كلينآه مع خبز ايراني حآآآر . .

 

About admin

Leave a Reply

Your email address will not be published. Required fields are marked *

*