Wednesday, November 22, 2017

طريقه عمل القطايف بالصور

المقادير

2 ك طحين أبيض..استخدمت ( الطحين الفاخر)
1ك سميد ناعم
ربع ك سكر
1م .ص خميرة فورية
2 م.ص b.p
رشة ملح
3 ك ماء

الطريقة ياطويلات العمر

نخلط النواشف مع بعض في زبدية

بعدين ضيفي كمية الماء كلها مع تحريكها بالمضرب السلك اليدوي وراح تنتج لك عجينة شبة سايلة

الحين غطي الزبدية وخليها بمكان دافي على جنب لمدة ساعة ترتاح وتخمر < ضرورية هالنقطة

بعد ماتخمر بتلاحظين ان العجين صـار سميك وثقيل شوي..زيدي عليه تقريبا نص ك ماء وحركي..

بعدين سخني الصاج أو صينية تيفال كبيرة ممسوحة بالزيت <<أول مرة بس بعدين ماراح تحتاجين تمسحينها

الحين هدي النار ع الأخر وابدأي في صب العجين على هيئة أقراص متوسطة الحجم عشان تستوعب الحشو
لاتكبرينها مرة ولا تصغرينها مرة راعي ان حجمها يكون حلو بعد التشكيل وسهل في الأكل
والأهـــمـ ..يكون حجمها متساوي ..
وانتظري الين تظهر الفقاقيع وتنشف بعدها شيليها على طول بتكون صارت ذهبية من تحت
بعد الانتهاء غطيها بفوطة نظيفة الين تبرد شوي
بعدها ابدأي احشيها بحشوتك المفضلة
إما مهلبية بيضا مع ماء زهــر…
أو
جوز مفروم خشن + ملعقتين صغار قرفة مطحونة + ملعقتين سكر +وكم ملعقة ماء زهر للنكهة والتماسك
أو
قشطة طازجة ( ماتنفع المعلبة خذيها من البرادة افضل)مع جبنة بيضاقليلة الملح واهرسيهم سوى بالشوكة << يميي جربوها على ضمانتي.وبعدها اقليها وخليها تتشقر وتاخذ لون حلو ..وغطسيها بشيرة ثقيلة وهي حارة
واستمتعي بأطيب وألذ قرمشة وطعم لايقااااومـ

About admin

Leave a Reply

Your email address will not be published. Required fields are marked *

*