Friday, December 15, 2017

طريقه عمل البسبوسه الخضراء بالصور

المقادير ،،
أول شي جيبي كوب فستق واطحنيه

أنا أطحنه بخلاط المكسرات الصغير ،،
لازم ينطحن زين ويصير مثل العجينة ،،

المقادير :

كوب فستق مطحون ،،
علبة قشطة ونص ،،
كوب سميد ،،
بيضتين ،،
80 مل سكر = ثلث كوب سكر ،،
250 مل زيت = كوب زيت ،،
ملعقة طعام بيكنق باودر ،،
فانيلا باودر || حتى لو سائلة براحتكم || ،،
لون طعام أخضر ،،

*ملاحظة : || جهزوا شيرة باردة ،، بس بكمية قليلة جداً || ،،

نبلش بسم الله ،،
كثير بنات بحطون كل مقادير البسبوسة مع بعض وصلى الله ،،

لما اسألهم ليش ،، يقولون تراه كله ينخلط ويدخل الفرن !!
غلط غلط !! لازم كل شي ياخذ حقه في الخلط ،، خصوصاً لو في بيض في الخلطة ،،

تجيبين صحن كبير ،، وتحطين علبة قشطة ونص العلبة الثانية ،،
مو تحطون العلبتين !!

تخفقونها زين الين تصير خليط ناعم ،، عشان ما تتكتل وقت اضافة المكونات ،،

تضيفون البيض :

اخلطوا زين عشان تروح ريحته ،، وعلى طول ضيفوا نص ملقعة شاي فانيلا ،،
أنا حطيت فوستر كلاركس ،، نكهته حلوة

ضيفوا الزيت ،،

وحركوا ،،

حطوا السكر على دفعات ،،

وبعدين تضيفي السميد

والفستق

ضروري تقتلين كل الكتل ،، لازم يكون الخليط متجانس ،،

ضيفي اللون ،، شوي بس مو تحطون وايد بيصير شكله يخرع ،،

ضيفي البايكنق باودر ،،

جيبي الصينية ورشيها بشوي بخاخ زبدة ،،

صبي الخليط :

ودخليه الفرن ،، أنا دخلته 40 دقيقة على 200 ،،
وشعلت عليه من فوق وتحت ،،

أهم شي يشقر من فوق تماماً ،، واذا عندك رخام حطي صينية حديد وحطي فوقها صينية البسبوسة ،،
عشان لا ينخدش الرخام ،،

لازم البسبوسة تصير بنية من فوق ،، مثل الصورة :

خليه يبرد شوي ،، وادهنيه بشيرة باردة ،،
مو تصبين الشيرة عليه !! بس ادهنيه بفرشاة عالخفيف ،،

بتلاحظين انها شوي متشققة ،، عادي جداً ،،
قطعيها وزينيها كيف ما تحبين وقدميها بالعافية ،،

،

About admin

Leave a Reply

Your email address will not be published. Required fields are marked *

*