Tuesday, September 26, 2017

طريقه عمل الوبي باي بالصور

المقادير

٣ ونص كوب طحين

١ ونص كوب كاكاو بودره

١ م . ك بيكنج صودا

١ م . ص بيكنج باودر

١ م . ص ملح

اصبعين زبده بحرارة الغرفه

كوبين سكر

بيضتين كبار

كوبين لبن

٢ م . ص فانيليا

الطريقه :

سخني الفرن على حرارة ٢٠٠

انخلي الطحين والكاكاو والبيكنج صودا والبيكنج باودر والملح

في الخلاط على سرعة متوسطه .. اخلطي الزبده والسكر لين ما يصير منتفش وخفيف

ضيفي البيض واللبن والفانيليا واخلطيهم لين ما ينخلطون زين

قللي سرعة الخلاط و ضيفي الطحين شوي شوي

اخذي السكوب الصغير واغرفي من الخليط ونزليه على الصينيه وباعدي بينهم لانهم بينفرشون وحطي على الصينية بارشمنت بيبر اول السيليكون

اللي ما عندها تحط ورق زبده لان انا قبل سويت الطريقه وحطيتها على ورق زبده

تخبزينه في الفرن لمدة ٨ دقايق تقريبا وتفرين الصينية لين مر نص الوقت

تطلعينه من الفرن وتخلينه شوي في الصينيه وبعد ما يبرد شوي تنقلينه علي الشبك

الحين سوي الفيلينغ الكريمه اللي داخل

انا ما سويت طريقة مارثا اخذت طريقة اينا غارتن حسيتها اخف

المقادير

كوب سكر مطحون ( انا اقول لو تحطون شوي زياده بيطلع احلى ) انا حسيتها مب وايد حاليه

كوب زبدة الفول السوداني

٥ م . ك زبده بحرارة الغرفه ( انا حطيت نص اصبع )

٣\٤ م . ص فانيليا

١\٣ كوب كريمة حفق ( انا افضل انكم تزيدون الكريمه شوي ) لانها طلعت عندي جامده .. زيدي شي بسيط ملعقتين مثلا

تخلطين الزبده والسكر والفانيليا وزبدة الفول السوداني مع بعض لين ما يستوي ناعم

بعدين ضيفي كريمة الخفق واخلطيه على سرعه عاليه لين ما يفتح لونها وتصير خفيفه

احشي البيسكيك (( اختصار للبسكويت الكيك ))

وغطيها بالحبه الثانيه

وهيك راح يكون شكلها

About admin

Leave a Reply

Your email address will not be published. Required fields are marked *

*