Monday, November 20, 2017

طريقه عمل التشيز كيك

المقادير :

طبقة البسكويت :
بسكويت دايجستف مطحون وزبده ذايبه ( بدون قياس ) انا احط الزبده شوي شوي لين احس البسكويت شوي متماسك .

توزعين آوراق الكب كيك في قوالب الكب كيك (إذا تبين تسوينها في قالب التشيزكيك تقدرين ) بس احس الاحجام الصغيره احلى وأشكل

تحطين ملعقه صغيره من البسكويت في كل ورقه ووترصينها ( انا احب طبقة البسكوت تكون ضعيفه – خواتي يحبون العكس ) وبعد ما تخلصين تدخلينها في الفرن عشان شوي يتماسك … تقريبا خمس دقايق او اقل .. تطلعينها من الفرن وتخلينها على جنب تبرد

طبقة الجبن :
٣ علب جبن فيلادلفيا ٢٠٠ جرام في حرارة الغرفه
كوب سكر
٣ بيضات
كوب كريمة خفق
م.ص عصير ليمون

م.ص فانيلا

الطريقه :
تخلطين جبن الفيلادلفيا وتضيفين السكر عليه شوي شوي .
تضيفين البيض وحده وحده – تحطين البيضه لين حسيتيها انخلطت تضيفين الثانيه وهكذا ….
آخر شي ضيفي كريمة الخفق والفانيلا وعصير الليمون .
تحطين تقريبا ملعقتين كبار من خلطة الجبن على البسكويت .
تحطين قوالب الكب كيك في صينيه اكبر فيها ماي حار (حمام مائي) وتدخلينه الفرن على حرارة ١٨٠ لمدة ٤٥ – ٥٠ دقيقه .
بعد ما تطلعينه من الفرن تخلينه لين يبرد وتحطين فوقه الباي فيلينغ ( النوع اللي تفضلينه ) انا سويت نصه على فراوله والنص الثاني سويته على تشوكليت .

وهذا الشكل النهائى ( امممممم ) لذيذة

About admin

Leave a Reply

Your email address will not be published. Required fields are marked *

*