Tuesday, September 26, 2017

طريقه عمل تشوكليت كوكيز بالصور

المقادير

اصبعين زبده غير مملحه

٣\٤ سكر عادي

٣\٤ سكر بني

بيضتين

٢ م . ص فانيليا

١\٢ م . ص ملح

١ م . ص بيكنج صودا

٣\٤ كوب كاكاو بودره

٢ كوب طحين جميع الاستعمالات

كوبين شوكليت شيبس ( انا حطيت ١ ونص كوب شوكليت ميلك شيبس ونص كوب بينت بتر شيبس ( الفول السوداني)
انتي حره تحطين اللي تبين تقدرين تحطين السمي سويت ( اللي تجي شوي مره )

اختياري : نص كوب مكسرات ( للأسف ما كان عندي – بس تقدرين تحطين عين الجمل ، لوز ، فول سوداني ، جوز البقان )

اختياري : ٢ م . ص قهوه فوريه ( انا حطيت نسكافيه …. صج القهوه تطلع طعم التشوكليت )

الطريقه :

اول شي تخلطين الزبدة والسكر العادي والسكر البني لحد ما يصير منفوش من (٣ – ٥ دقايق )

بعدين تضيفين البيض مره وحده مع الفانيليا

بيصير شكلها جذي .. تنزلين الاطراف

تحطين الطحين والبيكنج صودا والملح وبودرة الكاكاو والنسكافيه ( انا خلطتهم مع بعض وضفتهم للخليط )

شوفوا شكلها بعد ما اختلطت

آخر شي تضيفين قطع الشوكليت وتخلطين بشويش لحد ما يختلطون عدل

العجينه بتطلع شوي غليظه

استخدمي مغرفة الايسكريم عشان يطلع الكوكيز بحجم واحد .. سويت حجمين .. بس الحجم الكبير أحلى

اغرفي من العجين وصفيه على ورق زبده

اخبزي الكوكيز لمدة ١٠ – ١٢ دقيقه .. لحد ما تشوفين سطح الكوكي شوي متماسك .. هذا شكلهم بهد ما طلعتهم من الفرن

خليهم يبردون في الصينيه لمدة دقيقتين .. وبعدين ارفعي ورق الزبده والكوكيز موجود فيه وحطيه علي الطاوله يبرد وخليه على الاقل ٣ دقايق يبرد قبل التقديم

الصراحه طعم الكوكيز خيااااااال … وايد حبيته … حتى الطريقه وااايد سهله

لازم تجربوووونها … صدقوني الكبار بيخلصونها قبل الصغار … شوفوا الصور واحكموا

About admin

Leave a Reply

Your email address will not be published. Required fields are marked *

*