Tuesday, September 19, 2017

طريقة عمل السموما الهندية بالصور


يامساء الخير على أحلى بنوتات

اليوم جبت لكم طبقي المفضل اللي هو السموسا الهنديه
<<حبيبة الكل
و كل اللي يذوقها عندي يطلب المقادير والحشوهـ
طبعا العجينه ماتشرب زيت ماشاء الله ما كأنها مقليه ومقرمشه ولها طعم ونكهه مميزهـ
أخليكم مع العجينه والمقادير والحشوات ( حشوة خضار وحشوة دجاج )

العجينه ///

المقاس بالكوب المعياري
1 كوب دقيق
ذرة ملح
ذرة كركم ورشة زعفران بودره <<لأعطائها نكهه ولون
3 ملاعق طعام زيت
ماء حسب الحاجه
((ممكن تدبلين المقدار ))
تعجن مع بعض حتى تمماسك وتصير لاقاسيه ولالينه يعني وسط <<أحلفي
وتغطى وتترك لترتاح على جنب

طريقة الحشوهـ
حشوة الخضار //

2 بطاطس مسلوقه ومقطعه صغار ((سلقتها بالمكرويف تطلع أحلى
1 بصله مقطعه صغار
2 فصوص ثوم مبشور
1 م زنجبيل مبشور
نص الكوب بازيلاء
1 جزر مبشور ناعم ( أستخدمت نص واحد )
1 فلفل حااااار مقطه صغار
1 م كاري وشوي كركم وملح
1م سكر
2 م كزبرهـ خضراء (( ما أضفتها لأنه ماكان موجود عندي ))
1 م عصيرليمون
2 م زيت
نسخن الزيت بالمقلاه ونضيف البصل والثوم والزنجبيل وممكن نضيف ماجي نص مكعب ونقلبه لمدة 3 دقايق
ثم نضيف البطاطس والجزر والبازيلاء والفلفل ونقلبه على حراره مرتفعه لمدة 3 د
ثم نضيف الكاري والكركم والملح والسكر والكزبره وعصير الليمون ونقلبها مع بعض ونرفعها من النار ونتركها تبرد

نفرد العجين ونقطعه دوائر

ثم تحشى بالخضار نضع 1م من الحشوه وسط العجينه ثم نجمع الطرفين ونقفل بالضغط عليها << الصور تشرح

ثم تقفل من الطرف الثالث حتى تاخذ شكل مثلث

ويكمل الباقي بنفس الطريقه وقبل يرش من تحتها بالدقيق وتغطى حتى ماتنشف ثم تقلى بزيت حار أنا قليتها بالقلايه 190*

حشوة الدجاج ///
3_2 صدور دجاج تفرم بالفرامه ع الناعم
1 بصله مقطعه صغار
2 ثوم
1 م كاري
ماجي و رشة فلفل اسود
رشة نعناع مجفف
يحمى 2 م زيت في المقلاه ويضاف البصل والثوم والماجي ويحرك حتى يذبل البصل ثم يضاف الدجاج ويقلب حتى بنضج ويجف ماؤه ونضيف الكاري والفلفل والنعناع ونذوق الملح تترك حتى تبرد ونحشي بها العجين

تفرد العجينه وتقطع دوائر كبيره شوي

نقصها من النص لنصفين ثم نضع الحشوهـ على طرفها ونقفلها

وبعد مانقفلها ونضغط عليها بالشوكه حتى نعطيها شكل (( فكرة ولدي عبادي يقول ليه ماتسوينها من جنب بالشوكه عاد كل ما أدخل المطبخ يرتز يطالع وش أسوي ويهل علي بالأفكار فديته يانااااس طالع لأمه يفكر هههه))

نرش الطبق بالدقيق ونرصها فيه لحين القلي

وتمتعي بأحلى وألذ سموسا هنديه مع كوب شاي

About admin

Leave a Reply

Your email address will not be published. Required fields are marked *

*